(જી.એન.એસ) તા. 28
કેલિફોર્નિયા,
અમેરિકાના કેલિફોર્નિયામાં ટેસ્લા કારનો એક ભયંકર માર્ગ અકસ્માત થયો હતો જેમાં કાર 7 વખત પલટી ગઈ હતી પરંતુ તેમ છતાં ડ્રાઈવર સહિત 3 લોકોને નાની-મોટી ઈજાઓ થઈ હતી. કાર પલટી જવાનો આ વીડિયો સોશિયલ મીડિયા પર વાયરલ થયો હતો. જેમાં મહિલા ડ્રાઈવર અને કારમાં હાજર અન્ય વ્યક્તિ ફોન કરીને મદદ માંગતી જોવા મળે છે.
અમેરિકન મીડિયાના સૂત્રો અનુસાર, ડ્રાઈવર ખૂબ જ તેજ ગતિએ કાર ચલાવી રહ્યો હતો, જેના કારણે આ અકસ્માત થયો. પ્રત્યક્ષદર્શીઓએ જણાવ્યું કે કારની ઝડપ લગભગ 161 કિમી પ્રતિ કલાકની હતી. કાર પલટી જતાં 6 વાહનો સાથે અથડાઈ હતી. જેના કારણે બીજી કાર પણ પલટી ગઈ હતી.
પોલીસને શંકા છે કે મહિલા ડ્રાઈવર દારૂના નશામાં હતી. લાલ બત્તી પર રાહ જોઈ રહેલા અન્ય એક સાક્ષીએ કહ્યું, “તે કાર આવી અને મારી બાજુમાં આવી. મને ખબર નથી કે હું કેવી રીતે બચી ગઈ.” નજીકમાં કામ કરતા એક કર્મચારીએ જણાવ્યું કે કાર અથડાઈ ત્યારે ટાયરનો અવાજ સંભળાયો. મેં જાતે જ ક્રેશ જોયો. તે ડરામણી હતી.
જો કે, ઘટનાસ્થળે પહોંચેલા પ્રથમ વ્યક્તિએ તરત જ મહિલા ડ્રાઈવરને બહાર કાઢી અને તેને હોસ્પિટલ લઈ ગઈ. જો કે મહિલાને ગંભીર ઈજા થઈ નથી. પોલીસ હાલ આ મામલે તપાસ કરી રહી છે. તેને શંકા હતી કે ડ્રાઈવર દારૂ કે ડ્રગ્સના નશામાં હતો. અકસ્માત બાદ સોશિયલ મીડિયા પર ટેસ્લા કારના થયેલ આ અકસ્માતનો વીડિયો વાયરલ થયો છે. સોશિયલ મીડિયા પર આ અકસ્માતને લઈને યૂઝર્સની મિશ્ર પ્રતિક્રિયા જોવા મળી. અમેરિકામાં અન્ય એક ભયાનક કાર અકસ્માતમાં 3 ભારતીય મહિલાઓના મોત થયા છે. એકની હાલત ગંભીર છે. આ અકસ્માત 27 એપ્રિલના રોજ દક્ષિણ કેરોલિનાના ગ્રીનવિલે કાઉન્ટીમાં થયો હતો.
This content is restricted to site members. If you are an existing user, please log in. New users may register below.
