(જી.એન.એસ) તા.૮
અમદાવાદ,
અમદાવાદ શહેર પોલીસ મહિલાઓની સુરક્ષા માટે નિર્ભયા પ્રોજેક્ટ જેવા અનેક દાવા કરે છે, પરંતુ હકીકતમાં મહિલા પોલીસ પોતે જ સુરક્ષિત નથી. આનંદનગર વિસ્તારમાં સી ટીમની મહિલા જવાનોને લુખ્ખાઓએ જાહેરમાં ધમકાવી હતી. અમદાવાદ શહેર પોલીસ મહિલાઓની સુરક્ષા માટે અનેક પ્રકારના પ્રોજેક્ટ અને યોજનાઓ અમલમાં મૂકતી હોય છે. પરંતુ તાજેતરમાં બનેલી ઘટનાએ શહેરની મહિલાઓની સુરક્ષા અંગે ગંભીર પ્રશ્નો ઉઠાવ્યા છે. આ ઘટનામાં, મહિલા પોલીસ જવાનોને જ લુખ્ખાઓએ ધમકાવી હતી. આ ઘટનાએ એ વાત સ્પષ્ટ કરી દીધી છે કે શહેરમાં મહિલાઓની સુરક્ષા માટે જેટલા દાવા કરવામાં આવે છે, હકીકતમાં સ્થિતિ એટલી સુરક્ષિત નથી. સી ટીમની મહિલા જવાનો સીસીટીવી કેમેરા ચેક કરવા જતા હતા ત્યારે એક ઇકો કારમાં આવેલા લુખ્ખાઓએ તેમની વાનને રોકી અને ધમકી આપી હતી. મહિલાઓએ પોલીસને જાણ કરતાં આરોપીઓની ધરપકડ કરવામાં આવી હતી. આ ઘટનાએ મહિલાઓની સુરક્ષા માટે કામ કરતી સી ટીમ પોતે જ અસુરક્ષિત હોવાનું દર્શાવ્યું છે. આ વિસ્તારમાં લુખ્ખાઓનો આતંક વધી રહ્યો છે અને મહિલાઓ ફરિયાદ કરવામાં ડરે છે.આનંદનગર પોલીસ સ્ટેશનના પીઆઇ આરોપીઓના ફોટો જાહેર ન કરવા માટે આનાકાની કરતા હતા. આ સૂચવે છે કે પોલીસ પણ આવા માથાભારે તત્વોથી ડરે છે. મહિલાઓની સુરક્ષા માટે કામ કરતી મહિલા પોલીસ જો પોતાને અસુરક્ષિત અનુભવતી હોય તો સામાન્ય નાગરિક મહિલાઓની સુરક્ષા વિશે શું કહી શકાય? શહેરના કેટલાક વિસ્તારોમાં લુખ્ખાઓનો આતંક વધી રહ્યો છે અને તેઓ કાયદો હાથમાં લેવાનું બહાદુરીથી કરી રહ્યા છે. આવી ઘટનાઓ બાદ પણ પોલીસ તંત્ર પૂરતી કડક કાર્યવાહી કરતું નથી, જેના કારણે લુખ્ખાઓમાં હિંમત વધી રહી છે. આવી ઘટનાઓના કારણે મહિલાઓ રાત્રે એકલી બહાર નીકળવાથી ડરે છે અને તેમના પર હુમલાની ઘટનાઓ વધી રહી છે. પોલીસે આવા ગુનેગારો સામે કડક કાર્યવાહી કરવી જોઈએ જેથી અન્ય લોકોને પાઠ મળે.
This content is restricted to site members. If you are an existing user, please log in. New users may register below.
