અફઘાનિસ્તાન સામેની હાર પર પાક.ટીમના વસીમ અકરમે કહ્યું,”આજનો દિવસ ખરેખર ખરાબ”

(GNS),24

વર્લ્ડ કપની 22મી મેચમાં અફઘાનિસ્તાને પાકિસ્તાનને ખરાબ રીતે હરાવ્યું હતું. અફઘાન ટીમે આ મેચ 8 વિકેટે જીતી લીધી હતી. પાકિસ્તાનને વર્લ્ડ કપમાં સતત ત્રીજો આંચકો લાગ્યો છે. અગાઉ તેને ઓસ્ટ્રેલિયા અને ભારત તરફથી હારનો સામનો કરવો પડ્યો હતો. ટૂર્નામેન્ટમાં અત્યાર સુધી પાકિસ્તાનની ફિલ્ડિંગ ઘણી નબળી રહી છે. પાકિસ્તાનની ટીમે 5 મેચમાં ઘણા કેચ છોડ્યા છે. હવે પાકિસ્તાનના પૂર્વ કેપ્ટન વસીમ અકરમે પાકિસ્તાની ક્રિકેટરોની ફિટનેસ પર સવાલ ઉઠાવ્યા છે..

અફઘાનિસ્તાન સામેની હાર બાદ એ સ્પોર્ટ્સ પર પ્રસારિત થયેલા એક શોમાં વસીમ અકરમે કહ્યું, આજનો દિવસ ખરેખર ખરાબ હતો. 280 રન સુધી પહોંચવું તે પણ માત્ર 2 વિકેટ ગુમાવી ને, આ બહુ મોટી વાત છે. તેમની (પાકિસ્તાન) ફિલ્ડિંગ જુઓ. છેલ્લા 3 અઠવાડિયાથી એવું લાગી રહ્યું છે કે આ ખેલાડીઓ 2 વર્ષથી ફિટનેસ ટેસ્ટ માટે ગયા નથી. જો હું તેમના નામ લેવાનું શરૂ કરીશ, તો તેમના માથા ઝૂકી જશે. આ ખેલાડીઓ દરરોજ 8 કિલો મટન ખાય છે, તો પણ ફિટ નથી..

અકરમે વધુમાં કહ્યું, જુઓ તમામ ખેલાડીઓને દેશ માટે રમવા માટે પૈસા મળે છે. જ્યારે મિસ્બાહ-ઉલ-હક કોચ હતો ત્યારે તેને કોઈ પસંદ કરતું નહોતું. તેના ફિટનેસ માપદંડ વધુ સારા હતા. જેઓ મેદાનમાં કામ કરતા હતા. ફિલ્ડિંગ માટે ફિટનેસ હોવી ખૂબ જ જરૂરી છે. એમાં આપણી કમી છે. અમે અત્યારે એ જ સ્થિતિમાં છીએ.” વર્તમાન વર્લ્ડ કપ 2023માં પાકિસ્તાનની ટીમે સૌથી ખરાબ ફિલ્ડિંગ કરી છે. બાબર આઝમની આગેવાની હેઠળની ટીમે ઘણા કેચ છોડ્યા, બિનજરૂરી રન આપ્યા અને રન આઉટની તકો પણ ગુમાવી. જો તેનું પ્રદર્શન આવું રહ્યું તો તેના માટે ટોપ 4માં પહોંચવું મુશ્કેલ બની જશે. હવે પાકિસ્તાને સેમીફાઈનલમાં જવા માટે તમામ મેચો જીતવી પડશે.