Home ગુજરાત સોલૈયા ગામે પ્રજાપતિ સમાજ દ્વારા બ્રહ્માણી-બહુચર માતાજીના હવનનો કાર્યક્રમ યોજાયો

સોલૈયા ગામે પ્રજાપતિ સમાજ દ્વારા બ્રહ્માણી-બહુચર માતાજીના હવનનો કાર્યક્રમ યોજાયો

308
0
SHARE

(જી.એન.એસ.)માણસા,તા.૭
ગાંધીનગર જિલ્લાના માણસા તાલુકાના સોલૈયા ગામે આજરોજ બહુચર-બ્રહ્માણી માતાજીના હોમ-હવનનો કાર્યક્રમ સંપન્ન થયો. તાજેતરની વૈશ્વિક મહામારીના પગલે અત્યંત જરૂરી નિયંત્રણો સહિત સદર પાવન પર્વ ઉજવવામાં આવ્યું હતું.
દર વર્ષની જેમ આ વર્ષે ભવ્યાતિભવ્ય ઉજવણી કરી શકાય તેમ ન હોઈ જમણવાર અને અન્ય જાહેર ઉત્સવની પ્રક્રિયાવિધિ હાથ ધરાઈ ન હતી. માત્ર એક જ પાટલાની ઉછમણી કરવામાં આવી હતી. દાતાશ્રી સુનિલભાઈ ડાહ્યાભાઈ પ્રજાપતિએ મુખ્ય યજમાન પદે બિરાજમાન રહી હોમ-હવન સંપન્ન કર્યો હતો.
દેશ-વિદેશમાં વસતા સોલૈયા પ્રજાપતિ પરિવારના સ્નેહીજનોએ કાર્યક્રમની હ્રદયસ્થ શુભેચ્છાઓ પાઠવી આપી હતી. માતાજીના નૈવેદ્ય અને આરતીમાં યોગ્ય અંતર અને માસ્કનું પણ ખાસ ધ્યાન રાખવામાં આવ્યું હતું.
સમગ્ર કાર્યક્રમ એકંદરે ખૂબ જ સુંદર, સુચારુ, સુવ્યવસ્થિત, સરાહનીય, રસપ્રદ, રોચક, પ્રભાવી, પુનિત-પાવન, અનુકરણીય બની રહ્યો હતો એમ સોલૈયા પ્રજાપતિ પરિવારના મહામંત્રી રાકેશભાઇ પ્રજાપતિએ જણાવ્યું હતુ.

Print Friendly, PDF & Email