વેપારીને હનીટ્રેપમાં ફસાવીને રૂપિયા પડાવ્યાના મામલે દિલ્હીની યૂટ્યૂબરની ધરપકડ થઇ

દિલ્હી સ્થિત યુટ્યુબર નમરા કાદિરની પોલીસે એક ખાનગી કંપનીના માલિકને હનીટ્રેપ કરીને તેની પાસેથી 80 લાખ રૂપિયાની લૂંટ કરવા બદલ ધરપકડ કરી છે. તેના પતિ અને સહ-આરોપી મનીષની શોધ ચાલી રહી છે. પોલીસે જણાવ્યું કે કોર્ટે નમરાને 4 દિવસના પોલીસ રિમાન્ડ પર મોકલી દીધો છે, જ્યાં તેની પૂછપરછ કરવામાં આવશે. નમરા કાદિરે પોતાનો ગુનો કબૂલી લીધો છે અને તેણે વેપારી પાસેથી લીધેલા પૈસા અને સામાન રિકવર કરવામાં આવી રહ્યો છે. પોલીસ અધિકારીએ કહ્યું કે નમરા કાદિર અને તેના પતિએ કોર્ટમાં વચગાળાના જામીન માટે અરજી કરી હતી, ત્યારબાદ 26 નવેમ્બરે નોઈડા પોલીસ સ્ટેશનમાં કેસનો નિકાલ કરવામાં આવ્યો હતો.

પોલીસના જણાવ્યા અનુસાર બાદશાહપુરના દિનેશ યાદવે પોલીસમાં ફરિયાદ નોંધાવી હતી. તેણે જણાવ્યું કે તે એક બિઝનેસમેન છે અને થોડા સમય પહેલા નમરા કાદિરના સંપર્કમાં આવ્યો હતો. નમરા અને તેનો પતિ મનીષ બેનીવાલ બંને સાથે હતા, જે દિલ્હીના શાલીમાર ગાર્ડનના રહેવાસી છે. પોલીસે જણાવ્યું કે એ પણ જોવામાં આવી રહ્યું છે કે કાદિરે કયા લોકોને લૂંટ્યા છે. આ બાબતે અન્ય લોકો પણ આગળ આવે તેવી અપેક્ષા છે. બીજી તરફ મનીષની ધરપકડ માટે વિવિધ સ્થળોએ દરોડા પાડવામાં આવી રહ્યા છે, તે ટૂંક સમયમાં ઝડપાઈ જશે. નમરા કાદિરના યુટ્યુબ પર 6 લાખથી વધુ સબસ્ક્રાઈબર્સછે.

પોલીસે જણાવ્યું કે નમરા કાદિર માત્ર 22 વર્ષની છે અને સોશિયલ મીડિયા પર એક્ટિવ રહે છે. તે યુટ્યુબ પર પણ લોકપ્રિય છે અને તેના 6 લાખથી વધુ સબ્સ્ક્રાઇબર્સ છે. 21 વર્ષીય દિનેશ યાદવે તેની સામે ફરિયાદ નોંધાવી હતી કે નમરાએ તેને હની-ટ્રેપમાં ફસાવીને બ્લેકમેલ કરી અને તેની પાસેથી 80 લાખ રૂપિયા લૂંટી લીધા. દિનેશે જણાવ્યું કે નમરા કાદિરે તેની ચેનલ પર મારા બિઝનેસના પ્રમોશન માટે બે લાખ રૂપિયા લીધા હતા. આ પછી તેણીએ દિનેશ સાથે વાત કરવાનું શરૂ કર્યું. એક દિવસ તેણે દિનેશને કહ્યું કે તે તેને પસંદ કરે છે અને તેની સાથે લગ્ન કરવા માંગે છે. આ પછી બંને નજીક આવ્યા. એક દિવસ નમરાએ દિનેશને તેનું બેંક કાર્ડ માંગ્યું અને ધમકી આપી કે જો તે તેની વાત નહીં સાંભળે તો તે તેને બળાત્કારના ખોટા કેસમાં ફસાવી દેશે. આ પછી દિનેશે પોલીસની મદદ માંગી.

GNS NEWS