Home દેશ - NATIONAL દિલ્હી - નવી દિલ્હી રહેણાંક વિસ્તારમાં કઇ રીતે પેઇન્ટ ફેક્ટરી ચાલી રહી હતી, મુખ્યમંત્રી અરવિંદ કેજરીવાલે...

રહેણાંક વિસ્તારમાં કઇ રીતે પેઇન્ટ ફેક્ટરી ચાલી રહી હતી, મુખ્યમંત્રી અરવિંદ કેજરીવાલે તપાસના આદેશ આપ્યા

30
0

(જી.એન.એસ),તા.૧૬

નવીદિલ્હી,

દિલ્હીના મુખ્યમંત્રી અરવિંદ કેજરીવાલે અલીપુરમાં પેઈન્ટ ફેક્ટરીમાં લાગેલી આગ પર ઊંડું દુઃખ વ્યક્ત કર્યું છે. શુક્રવારે સવારે ઘટના સ્થળની મુલાકાત લીધા બાદ મુખ્યમંત્રી કેજરીવાલે મૃતકોના પરિવારજનોને 10-10 લાખ રૂપિયાની સહાયની જાહેરાત કરી હતી. આ સાથે મુખ્યમંત્રીએ આ અકસ્માતમાં ગંભીર રીતે ઘાયલ થયેલા લોકોને 2 લાખ રૂપિયા અને સાધારણ ઈજાગ્રસ્તોને 20 હજાર રૂપિયાનું વળતર આપવાની જાહેરાત કરી હતી.

મુખ્યમંત્રી કેજરીવાલ વહેલી સવારે ઘટના સ્થળે પહોંચ્યા અને પીડિતોને મળ્યા અને તેમની સ્થિતિ વિશે પૂછ્યું. આ દરમિયાન મીડિયા સાથે વાત કરતા મુખ્યમંત્રીએ કહ્યું કે આ દુર્ઘટના ખૂબ જ દુઃખદ છે. આ અકસ્માત ખૂબ જ ગંભીર અને દુર્ભાગ્યપૂર્ણ હતો જેમાં 11 લોકોએ જીવ ગુમાવ્યા હતા.

આ સાથે મુખ્યમંત્રી કેજરીવાલે આ અકસ્માતની તપાસના આદેશ આપ્યા છે. મુખ્યમંત્રીએ કહ્યું કે રહેણાંક વિસ્તારમાં કઇ રીતે પેઇન્ટ ફેક્ટરી ચાલી રહી છે તેની તપાસ કરવામાં આવશે. તેમણે એમ પણ કહ્યું કે લોકોએ ફરિયાદ કરી છે કે ફાયર બ્રિગેડની ગાડીઓ પણ ઘટનાસ્થળે મોડી પહોંચી, તેની પણ તપાસ કરવામાં આવશે અને દોષિતો સામે કાર્યવાહી કરવામાં આવશે.

This content is restricted to site members. If you are an existing user, please log in. New users may register below.

Existing Users Log In
   
New User Registration
*Required field
Previous articleદિલ્હીના અલીપુર વિસ્તારમાં કેમિકલ ફેક્ટરીમાં ભીષણ આગ, 11 લોકોના મોત, 4 લોકો ગંભીર
Next articleNIAના 9 સ્થળ પર દરોડા, એક આરોપીની ધરપકડ કરી