Home દેશ - NATIONAL મંદિરમાં ઉત્સવ દરમિયાન ક્રેન તૂટી પડતાં 4 લોકોનાં મોત, વીડિયો થઇ રહ્યો...

મંદિરમાં ઉત્સવ દરમિયાન ક્રેન તૂટી પડતાં 4 લોકોનાં મોત, વીડિયો થઇ રહ્યો છે વાયરલ

52
0

તમિલનાડુના અરક્કોનમમાં રવિવારે રાત્રે મંદિરના ઉત્સવ દરમિયાન ક્રેન તૂટી પડતાં ચાર લોકોના મોત થયા હતા અને લગભગ 9 લોકો ઘાયલ થયા હોવાનું કહેવાય છે. રાનીપેટ જિલ્લાના નેમિલીની બાજુમાં કિલીવેડી વિસ્તારમાં મંડિયામ્મન મંદિર માયલર ઉત્સવનું આયોજન કરવામાં આવ્યું હતું. આ ભયાનક ઘટના કેમેરામાં કેદ થઈ ગઈ હતી, જેમાં ક્રેન અચાનક પડી જતા જોવા મળી રહી છે. ધ હિંદુના રિપોર્ટ મુજબ આ ઘટના રાત્રે લગભગ 8.15 વાગ્યે બની હતી. પોલીસે જણાવ્યું કે પીડિતોની ઓળખ કે.કે. મુથુકુમાર (39), એસ. ભૂપાલન (40) અને બી. જ્યોતિ બાબુ (17), જ્યારે અન્ય મૃતકની ઓળખ જાહેર કરવામાં આવી નથી.

સૂત્રોના જણાવ્યા અનુસાર, આ વિસ્તારના સેંકડો લોકો નેમિલીના મંડી અમ્માન મંદિરમાં ઉત્સવ માટે એકઠા થયા હતા. આ અકસ્માત માયલેરુમાં એક કાર્યક્રમ દરમિયાન થયો હતો, જ્યાં લોકોએ ક્રેન દ્વારા મંદિરની મૂર્તિઓને હાર પહેરાવવાનો પ્રયાસ કર્યો હતો, ત્યારે આ ભીષણ ઘટના બની હતી અને તેમાં ક્રેન ડ્રાઇવરની ધરપકડ કરવામાં આવી હતી. ઈન્ડિયા પોસ્ટના અહેવાલમાં જણાવવામાં આવ્યું છે કે અકસ્માતમાં એક બાળકી સહિત લગભગ 9 લોકો ગંભીર રીતે ઘાયલ થયા છે અને તેમને પુન્નઈ સરકારી પ્રાથમિક આરોગ્ય કેન્દ્ર, અરક્કોનમ સરકારી હોસ્પિટલ અને ખાનગી હોસ્પિટલમાં દાખલ કરવામાં આવ્યા છે. અકસ્માત સમયે ક્રેનની આસપાસ 1500 જેટલા શ્રદ્ધાળુઓ હાજર હતા. નેમિલી જિલ્લા કલેક્ટર સુમાથી, ગ્રામ વહીવટી અધિકારી મણિકંદન અને પોલીસ આ મામલાની તપાસ કરી રહી છે.

GNS NEWS

This content is restricted to site members. If you are an existing user, please log in. New users may register below.

Existing Users Log In
   
New User Registration
*Required field
Previous articleઅંદામાન-નિકોબારના 21 ટાપુઓ પરમવીર ચક્ર વિજેતાઓના નામથી ઓળખાશે : પ્રધાનમંત્રી મોદી
Next articleસપા પાર્ટીના નેતા સ્વામી પ્રસાદ મૌર્યનું રામચરિત માનસ પર વિવાદાસ્પદ નિવેદન આપ્યુ