ભારતીય સેમિકન્ડક્ટર કંપનીએ તાઈવાનની કંપની સાથે ડીલ કરી

(જી.એન.એસ),તા.૦૮

કાઈન્સ ટેક્નોલોજી ઈન્ડિયાની પેટાકંપની કાયન્સ સેમીકોને સેમિકન્ડક્ટર પેકેજિંગ અને ટેસ્ટ ટેક્નોલોજી તાલીમ માટે Aptos ટેકનોલોજી સાથે ભાગીદારી કરી છે. સેમિકન્ડક્ટર કંપની તાઇવાન માસ્કની કંપની એપ્ટોસ ટેક્નોલોજી NAND ફ્લેશ કાર્ડ્સ અને સંબંધિત ઉત્પાદનો માટે ડિઝાઇન અને પરીક્ષણ સેવાઓ પ્રદાન કરે છે. આ સમજૂતી હેઠળ Kaynes Semicon 5.5 મિલિયન ડોલર સુધીનું રોકાણ કરવાની યોજના ધરાવે છે, જેમાં ટેકનોલોજી ટ્રાન્સફર અને તાલીમનો સમાવેશ થાય છે. Aptos Technology ભારતમાં કાયન્સ સેમીકોનની પેકેજિંગ અને પરીક્ષણ ક્ષમતાઓને ટેકો આપવા માટે કર્મચારીઓને તકનીકી તાલીમ અને સહાય પૂરી પાડશે. કાઈન્સ ટેક્નોલોજીનો IPO 10 નવેમ્બર, 2022 ના રોજ ખુલ્યો હતો. તેનો પ્રાઈસ બેન્ડ 559 થી 587 રૂપિયા હતો, જેની ફેસ વેલ્યુ 10 રૂપિયા છે. શેરનું લિસ્ટિંગ 32.5 ટકાના પ્રીમિયમ સાથે 778 રૂપિયાના સ્તર પર થયું હતું.

આગામી સમયમાં શેર સ્પ્લિટ અને બોનસ શેર ઈશ્યુ થાય તો રોકાણકારોને ફાયદો થશે. કાઈન્સ ટેક્નોલોજીએ રોકાણકારોને 1.25 વર્ષમાં બમ્પર રિટર્ન આપ્યું છે. છેલ્લા 6 મહિનાની વાત કરીએ તો શેરે 58.59 ટકાનું રિટર્ન આપ્યું છે. જો આપણે રૂપિયામાં ગણતરી કરીએ તો તે 1063 રૂપિયા થાય છે. કંપનીના શેરે છેલ્લા 1 વર્ષમાં ઈન્વેસ્ટર્સને 1998.40 રૂપિયાનું વળતર આપ્યું છે. શેર એક વર્ષમાં 226.94 ટકા વધ્યો હતો. અત્યાર સુધીમાં કુલ 286.37 ટકા રિટર્ન આપ્યું છે. કાઈન્સ ટેક્નોલોજીમાં પ્રમોટર્સ હોલ્ડિંગ 57.8 ટકા છે, જ્યારે પબ્લિક હોલ્ડિંગ 10.4 ટકા છે. કંપનીમાં કુલ 86,158 શેરહોલ્ડર્સ છે. કંપનીનું કુલ માર્કેટ કેપ 18,435 કરોડ રૂપિયા છે, જ્યારે દેવું 278 કરોડ રૂપિયા છે. કંપનીનો ટેક્સ બાદનો નફો 143 કરોડ રૂપિયા છે. કાઈન્સ ટેક્નોલોજીની 28 ટકા રેવન્યુ એરોસ્પેસ બિઝનેસમાંથી થતી હતી જે હાલ 45 ટકા થઈ છે.